M.Ə.Rəsulzadə   bələdiyyəsinin  2008-ci  il üçün  nəzərdə  tutulmuş  yerli   büdcəsi  müzakirə  edildikdən  sonra  3360 min  manat  məbləğində  təsdiq  edilmişdir.

Yerli  büdcənin  təsdiqində  bir  sıra  vacib  məsələlər  əsas  götürülmüşdür. 

Təsdiq  olunmuş  büdcəyə  əsasən  gəlirlərlə  xərclərin  büdcəyə  görə  rüblük  bölgüsü   aparılmışdır.  Belə  ki,  birinci  yarım  ildə  1548,5  min manat  gəlir   proqnozuna  qarşı  faktiki  icra  752,6  min  manat  olmaqla büdcəyə   48,6 %  əməl  edilmişdir.   

Respublikamızın  hər  yerində  olduğu  kimi, M.Ə.Rəsulzadə  bələdiyyəsi  də   qəsəbənin  sosial -  iqtisadi   inkişafına   xüsusi  diqqət  yetirir. «Regionların  sosial -  iqtisadi  inkişaf  proqramı» nın  tələblərinə  və  bələdiyyənin  2008-ci  il  üçün  yerli  sosial - iqtisadi  inikişaf  proqramına   uyğun  olaraq   cari  ilin  birinci  yarısıda   bir  sıra  işlər  görülmüşdür.  Prioritet  olaraq  məsələlərin  həllində  qəsəbə sakinlərinin  irad və  təklifləri  də  nəzərə  alınmışdır.

Binəqədi  rayonunda  dövlət  proqramlarının  davam  etdirilməsi  və  rayon  sakinlərinin  sosial  rifahınıın  günbəgün  yaxşılaşdırılmasında  M.Ə.Rəsulzadə   bələdiyyəsinin  də  öz  payı  olmuşdur.

Bələdiyyənin  iş  reqlamentinə  uyğun  olaraq  hər  ay   ümumi  iclaslar  keçirilmiş, gündəlikdə  qaldırılan  məsələlərə baxılmışdır.  Daimi  komissiyalar    öz    fəaliyyətllərini  davam   etdiriblər,   gündəlikdə  duran   ayrı – ayrı  məsələlərlə  bağlı  öz  rəylərini  hazırlayıb  müzakirəyə  çıxarıblar.

 2008-ci  ilin  yanvar  ayında  havaların  kəskin  dəyişməsi  və  qar  yağması  ilə  əlaqədar  olaraq  əhəmiyyət  kəsb  edən   küçə,  yol  və  səkilər bələdiyyənin   vəsaiti  hesabına  qardan  təmizlənmişdir. 

Bələdiyyə   qəsəbə  ərazisində  yaşıllıq   zolağının  artırılmasına  çalışır.  Hacıbababəyov  küçəsində,  Azadlıq  prospekti  boyunca,  Heydər  parkında və  6  saylı  poliklikanın  qarşısında  güldanlıqlar  salınmış dekorativ  ağaclar   əkilmiş  və təmizlik  işləri  görülmüşdür .  Bu  işlərə  18152  manat  vəsait  sərf  edilmişdir.

  Ərazimizdə  yerləşən  100  saylı  orta  məktəbin  rəhbərliyinin  müraciəti  əsasında  məktəbin  pilləkən  qəfəsində  və  akt  zalında  455  manatlıq   təmir  işləri  aparılmışdır. 

Binəqədi  rayonu  8-ci  mikrorayonda   «Azadlıq»  metro  stansiyasının  tikintisi  ilə  əlaqədar  olaraq   28  May  qəsəbəsinə  2007-ci  ildə  köçürülmüş  və  tikintisi  o  vaxdan  başlanmış  3  məcburi  köçkün  ailəsi   üçün   fərdi  yaşayış  evləri  tikilib  bu  ilin  aprel  ayında  istifadəyə  verilmişdir.  Cari  ildə  bu  məqsədə  22630  manat   vəsait   xərclənmişdir.

Heydər  parkının  ərazisində  yerləşən   Azərbaycan  Uşaq  Fondunun  Binəqədi  rayon  filialının   Əlil  Uşaqlarla  İş  Mərkəzinə   234  manat  məbləğində   3 ədəd  kompüter  masası  və  oturacağı  alınıb  verilmişdir.

Məhəllədaxili  və  magistral  yolların  normal  vəziyyətdə  olması   bələdiyyə  öz   diqqət  mərkəzində  saxlayır.

 Hər  zaman  olduğu  kimi  qəsəbədə ən  vacib,  mühüm  məsələlərin  həlli   ön  plana  çəkilmişdir.  Belə  ki,  qəsəbə  ərazisindəki     Azadlıq, Hacıbababəyov,  H.Ağamalıyev, Dəmiryolu,  Koroğlu,  Stroydetal   küçələrində və  digər  məhəllədaxili  yolların  təmiri,  yollara  asfalt  örtüyünün  vurulması   və  s.  işlər  görülmüşdür.  Bu  məqsədə  cari  ilin  birinci  yarısında   186990  manat   vəsait  xərclənmişdir.

Bundan  başqa  bələdiyyə   Hacıbababəyov,  Dəmiryolu küçələrində  olan  kanalizasiya   xəttində  təmir   işləri  aparmış  və  böyük  əhəmiyyət  kəsb  edən  «Zəngəzur»  şadlıq  evinin  arxasından başlayaraq  bataqlıq  ərazidən  keçməklə  Baksol  Dəmir  yol  körpüsünə  qədər  300  metr  uzunluğunda  yeni  magistiral  kanalizasiya  xətti  çəkmişdir.  Cəmi  bu  işlərə  69172  manat  vəsait  xərclənmişdir.

M.Ə.Rəsulzadə   bələdiyyəsi  əvvəlki  illlərdə  olduğu  kimi  bu  ildə  də öz  ərazisi  daxilindən  məişət  tullantıları  yığılması,    daşınması   və  zərərsizləşdirilməsi  işini  həmişə  diqqət  mərkəzində  saxlamışdır.  Belə  ki, bu  məqsədə  bələdiyyə  Binəqədi  rayon  Mənzil – Kommunal  Təsərrüfatı  Birliyinə   hər  ay  5000  manat   maliyyə  vəsaiti  köçürür. 

Bələdiyyə həmişə müxtəlif  ictimai  birliklərə,   təşkilatlara  və  imkansız  şəxslərə  yardımlar   göstərir.

Əhalinin   aztəminatlı  təbəqəsinə – əlil  və  şəhid  ailələrinə,  müharibə  veteranlarına,  məcburi  köçkünlərə,   tənha  və  kimsəsiz  insanlara   onların  müraciətləri  əsasında  maddi  yardımlar  edilmişdir.        Belə  ki,  cari   ilin birinci  yarım  ilində   46  nəfər  kimsəsiz  və  tənha  şəxslərə  hər  ay  20-30  manat  vəsait  ödəmək  hesabi ilə  ilin  sonuna  qədər  himayəyə  götürülmüş, dəfn  mərasiminin  keçirilməsi  ilə  əlaqədar 900  manat,  imkansız  şəxslərə  komunnal  xərclərin  ödənilməsinə  kömək  məqsədilə  310  manat,  şəhid  ailələrinə  220 manat, Böyük  vətən  müharibəsi  iştirakçılarına  və  əlillərə 560  manat  və  digər  imkansız  şəxslərə  cəmi  416  nəfərə 29120  manat məbləğində  maddi  yardım  göstərilmişdir.

Hazırda  Respublikamızın  hər  yerində  olduğu  kimi  bizim  rayonun  ərazisində də qarşıdan  gələn  Prezident  seçkilərinə  hazırlıq  işləri  üğürla  davam  etdirilir.  Rayon  İcra  Hakimiyyətinin  rəhbərliyinin  tövsiyəsi    ilə  bələdiyyə  öz  ərazisində   yerləşən  məntəqə  komissiyalarının  normal  iş  şəraiti  yaradılması  məqsədi  ilə  cari  ilin   iyun  ayından  başlayaraq   məntəqələrin  yerləşdiyi   inzibati  binalarda   təmir - tikinti  işləri  aparır.

Hüquqi  və  fiziki  şəxslərin  əmlak  vergisinə  cəlb  olunması məqsədilə  qəsəbə  ərazisində  əmlakın  inventarizasiyası  və  qiymətləndirilməsi  həyata  keçirilir.  Bu  işlər   müqavilə  əsasında    ixtisaslaşdırılmış  təşkilatlar  tərəfindən  aparılır.

Bələdiyyə  ərazisində  qanunsuz  tikililərin qarşısının  alınması  məqsədilə   bələdiyyənin  müvafiq  şöbələri    tərəfindən  hər  gün  əraziyə  baxış  keçirilir  və   müəyyən  edilmiş  qanun  pozuntusu  zamanı  lazımi  tədbirlər  görülür.